III MDB Oyunlarının Təşkilat Komitəsi Oyunları işıqlandırmaq üçün KİV nümayəndələrinin akkreditasiyası prosesinin başladığını elan etdi.
2025-ci il 22 may tarixindən etibarən MDB ölkələrindən və dəvət olunmuş dövlətlərdən olan KİV nümayəndələri akkreditasiya üçün müraciət edə bilərlər.
Akkreditasiya formasını III MDB Oyunlarının rəsmi saytında “Media Akkreditasiyası” bölməsində doldurmaq mümkündür: https://azerbaijan2025.com/az/media-akkreditasiyasi/
Akkreditasiya zamanı aşağıdakı vacib məlumatlara diqqət yetirin:
- • Onlayn akkreditasiya – Oyunlara akkreditasiya kartını əldə etmək üçün yeganə üsuldur.
- • Gecikmiş və ya natamam ərizələr nəzərə alınmayacaq.
- • Yalnız akkreditasiya olunmuş KİV nümayəndələri Oyunlar çərçivəsində Yarış məkanlarında və Media Mərkəzində jurnalist fəaliyyətini həyata keçirə bilərlər.
- • Logistika və arenalar haqqında məlumatları əhatə edən media-kit növbəti mərhələdə akkreditasiya olunmuş jurnalistlərə təqdim olunacaq.
Akkreditasiya prosesi ilə bağlı suallarınız və ya texniki dəstək üçün Media Akkreditasiyası komandası ilə əlaqə saxlaya bilərsiniz:
[email protected]
III MDB Oyunları 28 sentyabr – 8 oktyabr 2025-ci il tarixlərində Azərbaycanın 7 şəhərində keçiriləcək.
Təşkilat Komitəsi bu böyük idman tədbirində KİV nümayəndələrini fəal iştirak etməyə dəvət edir.
